पराभवापुढे वैयक्तिक कामगिरी महत्त्वाची नाही !

भारताला १७ वर्षांखालील मुलांच्या विश्वचषक फुटबॉल स्पर्धेच्या पहिल्याच सामन्यात बलाढ्य अमेरिकेकडून ०-३ अशी हार सहन करावी लागल्यामुळे भारतीय संघाचा गोलरक्षक मोईरांगथेम धीरज सिंग नाराज झाला आहे.

धीरज सिंगने अमेरिकेला रोखण्यासाठी १०० टक्के प्रयत्न केले. अमेरिकेचे प्रशिक्षक जॉन हॅकवर्थ यांनीही धीरजच्या या कामगिरीचे कौतुक केले. मात्र एवढी चांगली कामगिरी करूनही भारताला हार मानावी लागली, याचे शल्य धीरजला लागून राहिले आहे. धीरजने अमेरिकेचे तीन हल्ले यशस्वीरित्या परतवून लावले. त्यात अमेरिकेचा कर्णधार व प्रमुख खेळाडू जोश सार्जंट याने अगदी जवळून मारलेली किकही धीरजने अडविली.